Maria Le Pen: Shqiptarët që kërkojnë azil duhen dëbuar nga Franca

Marine Le Pen e Frontit Kombëtar në Francë, në një intervistë televizive ka deklaruar se shteti francez nuk duhet të pranojë kërkesat që vijnë nga shtetas shqiptar për azil.

Le Pen, e cila do të garojë mes kandidatëve të djathtë për të qenë kandidate për presidente në zgjedhjet e marsit të vitit të ardhshëm, bëri një deklaratë të tillë në emisioni “Bourdin Direct”.

Sipas saj, as që duhet shqyrtuar kërkesa e tyre dhe jo më t’u jepet statusi i azilantit, duke rekomanduar keshtu debimin e shqiptareve.

“Kërkuesit më të mëdhenj për azil janë shqiptarë, as që duhet t’i pranojmë kërkesat e tyre”, tha ajo gjatë një interviste në emisionin “Bourdin Direct”, me gazetarin francez Jean-Jacques Bourdin, raporton Dita.

Drejtuesja e partisë së ekstremit të djathtë gjithashtu foli për fushatën e saj ku zbuloi se slogani do të jetë “Në emër të popullit”.

“Po slogani im është ‘Në emër të popullit’, është një vizion, kthim te rrënjët e demokracisë, sepse realitetit është se populli është sovran, e cila kohët e fundit ka tendencën që të harrohet. Sidomos në sistemin tonë të votimit, duhet t’i kthejmë pushtetin”, tha Le Pen.