Marrëveshja me Francën, Balluku: Krijon bazën për bashkëpunim të avancuar në ruajtjen e energjisë dhe modelimin digjital

Pas takimit midis kryeministrit Edi Rama dhe presidentit francez Emmanuel Macron, në praninë e tyre u shkëmbyen marrëveshjet e bashkëpunimit në fushën e energjisë.

Zv/kryeministrja dhe ministrja e Infrastrukturës dhe Energjisë, Belinda Balluku thekson se kjo marrëveshje krijon bazën për bashkëpunim të avancuar në ruajtjen e energjisë dhe modelimin digjital.

Postimi i plotë

Nënshkruam sot Marrëveshjen e Bashkëpunimit në sektorin energjetik mes AFD EDF dhe KESH, në përputhje me politikat për energjinë e gjelbër, diversifikimin dhe inovacionin teknologjik.

Duke nxitur lidhje më të ngushta me ekspertë francezë në hidroenergji, kjo marrëveshje krijon bazën për bashkëpunim të avancuar në ruajtjen e energjisë dhe modelimin digjital.

Përveçse shtojmë asete të reja nga burime të rinovueshme, kujdesemi në përmirësimin teknik të aseteve aktuale.