Mbërrijnë edhe 45 mijë vaksina Pfizer, Rama: Mbi 1.2 milion qytetarë të vaksinuar

Mbrëmjen e kësaj të hëne në Rinas kanë ardhur mbi 45 mijë doza të vaksinës Pfizer. Kryeministri Edi Rama teksa bëri me dije lajmin, zbulon se në të gjithë Shqipërinë janë të vaksinuar mbi 1.2 milion qytetarë. Po ashtu kreu i qeverisë ka një thirrje. ”Qytetarët që ende nuk janë vaksinuar të shfrytëzojnë ditët e mbetura të muajit gusht për t’u vaksinuar ndaj Covid-19”,-shkruan Rama në facebook.

Postimi i plotë

45,630 doza të vaksinës Pfizer sapo kanë mbërritur në Aeroportin ”Nënë Tereza”, duke e çuar në mbi 1,8 milion numrin e vaksinave të mbërritura në Shqipëri. 1,270,057 vaksinime janë kryer deri tani, por duhet ende të rritet mbulesa vaksinale, ndaj një thirrje për qytetarët që ende nuk janë vaksinuar të shfrytëzojnë ditët e mbetura të muajit gusht për t’u vaksinuar ndaj Covid-19.