Mbështetësit e ish-kryeministrit këndojnë: O Sali, o legjendar/dil njiher, dil e na pri/në betejë për demokraci

Si çdo mbrëmje të këtyre javëve të fundit ku ish-kryeministri Berisha është nën masën e arrestit të shtëpisë, simpatizantët e tij janë mbledhur poshtë banesës duke pritur që ai të mbajë fjalën e tij.

Një prej mbështetësve të tij i ka thurur vargje për ish-kryeministrin, të cilat i lexoi para demonstruesve.

Gjithashtu e krahasoi me Gjergj Elez Alianë, ndërsa tha se vetëm ai mund ta mundë Bajlozin e Zi, duke iu referuar këtu kryeministrit Edi Rama.

Poezia e lexuar nga demokrati

O Sali, o legjendar

Dil njiher se dum me t’par

O Sali, gjigant sa mali

Dil njiher se na mori malli

O Sali o lideri jonë

Dil njiher shqiptar na thonë

Dil njiher, dil e na pri

Në betejë për demokraci

O Sali dil nga shpia, ashtu siç bëri Gjergj Elez Alia

O Sali dil e na pri, e ta mundim Bajlozin e Zi

Nuk ka shqiptar që nuk e di, atë Bajloz e mund veç ti.