Mblidhet Konferenca e Kryetarëve, më 1 tetor në Kuvend do të shqyrtohen ndryshimet në Kodin Zgjedhor

Konferenca e Kryetarëve është mbledhur sot për të futur në rend të ditës ndryshimet në Kushtetutë që do të reflektohen në Kodin Zgjedhor.

Deri më 30 shtator është afati i Komisionit të Posaçëm Parlamentar për të reflektuar këto ndryshime, teksa në Këshill Politik ende s’ka konsensus.

Ndërkohë është vendosur data 1 tetor për të shqyrtuar në Kuvend ndryshimet në Kodin Zgjedhor.

Mazhoranca dhe opozita parlamentare kanë dorëzuar nga një draft, ndërsa përfaqësuesi i PS në Këshillin Politik, Damian Gjiknuri ka paralajmëruar se me apo pa opozitën jashtëparlamentare, brenda afatit ndryshimet kushtetuese do të reflektohen në Kodin Zgjedhor për mos lënë vakum.