Meta pritet nga kryeministri Orban: Zhvilluam një bisedë të hapur për shumë çështje në dobi të qytetarëve

Presidenti i Shqipërisë, Ilir Meta ka ndarë pamje nga takimi me kryeministrin e Hungarisë, Viktor Orban, të cilin e ka cilësuar si një mik të veçantë të Shqipërisë. Kreu i shtetit takohet përzemërsisht me kryeministrin.

”Përherë kënaqësi të takohem me Kryeministrin Orban, mik i sinqertë i Shqipërisë, të cilin e falenderoj për pritjen, si gjithmonë të veçantë. Bisedë e hapur, e ngrohtë dhe produktive për shumë çështje me interes të përbashkët, në dobi të qytetarëve tanë dhe forcimit të marrëdhënieve të shkëlqyera dypalëshe historike, tradicionale dhe premtuese për të ardhmen”,-shkruan Meta.