Meta: Sa më shpejt dekriminalizimi dhe reforma në drejtësi

Kryetari i LSI Ilir Meta duke folur në mbledhjen e kryesisë së partisë bëri thirrje për realizimin sa më shpejt të reformës në drejtësi dhe dekriminalizimit.

Ilir Meta: “Të bëhet sa më shpejt dekriminalizimi që të çrrënjoset ndikimi kriminal në politikën e vendit. Ky proces të përfundojë sa më shpejt. Së dyti reforma në drejtësi është më e rëndësishme. Hapja e negociatave me BE është prioritet kryesor që mund të arrihet pas kalimit me sukses të dy sfidave. Rëndësi edhe raporti i ODIHR për zgjedhjet vendore të 23 qershorit. Ky raport të shërbejë si platformë për të përmirësuar sistemin tonë zgjedhor. Të gjitha këto sfida kërkojnë angazhim akoma më të spikatur të të gjithë përfaqësuesve tanë në qeveri e Parlament”.