Meta: Sjellja ndaj FRD-së, provokative nga mazhoranca. U dhunua stafi i Presidencës
Presidenti i Shqipërisë, Ilir Meta në një konferencë për mediat, ka folur për përplasjen që ndodhi në godinat e FRD-së, që sipas tij sjellja e Policisë së Shtetit dhe asaj Bashkiake është provokim nga mazhoranca dhe nga Erion Veliaj. Nga ana tjetër, Meta tha se sapo u njoftua nga kreu i FRD-së për situatën, shkoi në zyrat që sipas tij, ende pa u futur brenda tyre është penguar si ai dhe stafi i Presidencës nga Policia Bashkiake. Për më tepër, Meta tha se stafi i Presidencës u dhunua.
”Sulmi i dhunshëm që ndodhi në zyrat e FRD-së pas marrëveshjes me PD-së, është një sjellje e patolerueshme e mazhorancës. Kjo është një përpjekje për të minuar pluralizmin në vend. Ky është një sulm që bie ndesh me të gjithë parimet e së drejtës së shtetit, të gjithë veprimet e kryebashkiakut dhe zyrtarëve të tij janë kryer në shkelje me detyrën e tyre. E gjithë detyra e tij është në shkelje mbi të cilat ushtrohet detyra e tij. Minon frymën demokratike dhe barazisë para ligjit.
Ky sulm bie ndesh me të gjitha parimet demokratike të shtetit të së drejtës. Në ambjentet e FRD-së ishte ngjitur një letër, pa origjinë, pa nënshkrim, pa emër titullari, pa vulë institucioni, pa numër protokolli, përveçse një fjalë ekstra. përmes kësaj letre që nuk plotëson asnjë element minimal i kërkohej FRD lirimi i ambjenteve. Nuk citonte në përmbajtjen e saj asnjë bazë ligjore. Rezulton se partisë FRD ti jetë shkëputur energjia elektrike dhe janë paraqitur punonjës të policisë, ndërkohë që kryetari dhe punonjës të tjerë ishin të bllokuar në këtë zyra. Kryetari i FRD-së ka njoftuar mediat përmes një deklarata për shtyp siç ka njoftuar edhe Presidentin. Kam ndjekur më vëmendje dhe hap pas hapi dhe kam vendosur të verifikoja situatën e paprecedentë që po ndodhte aty.
Pasi kam mbërritur në selinë e FRD kam kontaktuar me drejtuesit e kësaj force. Në momentin që jemi drejtuar drejt kësaj selia hyrja ishte e rrethuar nga policia sikur të ishte një skenë flgarante krimi. Stafi shoqërues i Presidentit. Fillimisht është hapur dera dhe ende pa u futur Presidenti në këtë godinë në mënyrë të dhunshme kanë dhunuar stafin e Presidentit dhe përfaqësues të FRD-së. Kam reaguar ndaj punonjësve të policisë bashkiake. Pasi ngjarja u bë publike, korridoret e FRD-së ishte dërguar një shkresë për lirimin e selisë së FRD-së. Nuk përmend asnjë arsye të ligjshme se përse bëhet fjalë ndërkohë që përmendet fakti se selia e FRD-së ka zaptuar ambjentet.
FRD ka ushtruar aktivitetin politik prej 5 vitesh dhe nuk ishte futur me forcë, e nuk kishte bërë asnjë zaptim. Nëse FRD nuk binte dakord me Bashkinë duhet të shkonte bashkia në Gjykatën administrative të shkallës së parë Tiranë, siç kanë rënë dakord pesë vjet më parë. Çdo veprim tjetër i kryer për lirimin e ambjenteve jo vetëm është i paligjshëm por përmban elementë të qartë të veprës penale. Vetëm pas presionit të madh publik dhe mediatike, bashkia ka dorëzuar në mënyrë zyrtare një shkresë formale FRD-së”,-tha Meta.
