Ministri Gonxhja: Investimi në aftësitë profesionale, çelësi i një ekonomie të fortë

Ministri i Ekonomisë, Kulturës dhe Inovacionit, Blendi Gonxhja ishte sot në Kombinat. Ai vizitoi kompaninë Shaga Group, një nga bizneset pionere që solli frymën italiane të arredimit dhe dizajnit që në vitin 1994.

Gonxhja thotë se kjo kompani ka sjellë cilësi dhe inovacion në treg si dhe ka luajtur një rol kyç në rritjen e vlerës së arsimit profesional.

“Me një ekip prej 100 profesionistësh dhe investime të vazhdueshme në teknologji, Shaga Group jo vetëm që ka sjellë cilësi dhe inovacion në treg, por ka luajtur një rol kyç në rritjen e vlerës së arsimit profesional duke dëshmuar se investimi në aftësitë profesionale është çelësi i një ekonomie të fortë dhe një tregu më cilësor”, theksoi Gonxhaj në një postim në rrjetet sociale.