Ministri Hoxha në Shkozë: Në mandatin e katërt rritim programet e përkujdesit social

Ministri i Brendshëm, Ervin Hoxha i cili është po ashtu edhe drejtues politik i PS-së në Njësinë 1 në Tiranë, këtë të hënë është takuar me familje që jetojnë tek banesat sociale në Shkozë. Teksa ka postuar fotot e takimit, Hoxha thekson se falë mbështetjes së tyre, në mandatin e katërt do të rriten programet e përkujdesit social. ”Dhjetëra familje jetojnë tek banesat sociale në Shkozë, Njësia1. Mes tyre vizituam familjen e Fadil Skurës. Vëmendja e Partisë Socialiste për familjet që kanë më shumë nevojë nuk do të mungojë asnjëherë. Falë mbështetjes së tyre, në mandatin e katërt rritim programet e përkujdesit social”,-shkruan Hoxha.