Ministrja Elisa Spiropali lavdëron liderin e PD: Lulzim Basha po zhvillon fushatë normale, kjo duhet!

Ministrja Për Marrëdhëniet me Parlamentin Elisa Spiropali, e ftuar në emisionin “Real Story” në “News 24”, deklaroi se deri tani kreu i PD-së Lulzim Basha, po zhvillon fushatë elektorale normale.

Spiropali theksoi se procesi duhet të vazhdojë deri në datën e zgjedhjeve, kur edhe forcat politike do të përballen në kutinë e votimit.

“Opozita duhet që të kthehet në situatë normale. Lulzim Basha po zhvillon një fushatë që në dukje ngjan krejt normale. Kjo gjë duhet të vazhdojë deri në ditën e zgjedhjeve dhe përballja është në kutitë e votimit. Aty janë dy palë, në shesh të mejdanit, e të shihet se kush fiton më shumë vota. Kemi dëgjuar lloj-lloj deklaratash, deri në prerje duarsh për ata që prekin votën, por besoj se janë thënie të ekzagjëruara”, tha Spiropali.