Ndryshimet e njëanëshme Kushtetuese/Ambasadori Britanik: Duhej konsensus

Ambasadori i Britanisë së Madhe në Tiranë, Duncan Norman ka reaguar pas vendimit të kryeministrit Edi Rama për të ndryshuar kushtetutën e Shqipërisë. Sipas Norman, do duhej të kishte konsensus për ndryshimet e sotme, siç kishte për marrëveshjen e 5 qershorit.

”Marrëveshja e 5 qershorit tregoi se çfarë mund të arrihet me dialog, kohë dhe vullnet politik. Do të donim të kishim parë të njëjtën qasje konstruktive në miratimin e ndryshimeve të sotme të Kushtetutës. Është thelbësore që ndryshimet e ardhshme të Kodin Zgjedhor të diskutohen gjerësisht me të gjitha palët në Këshillin Politik përpara se të votohen në parlament”.