Në 19 prill, raundi i parë për zgjedhjen e Presidentit

Konferenca e Kryetareve në Kuvend ka marrë vendim për të nisur më 19 prill, raundin e parë për zgjedhjen e Presidentit të ri të Republikës. Vendimi u mor pas kërkesës së paraqitur nga kreu i grupit parlamentar të PS-së, Gramoz Ruçi, drejtuar kryeparlamentarit Ilir Meta me një letër, javën e kaluar.

Në raundin e parë do të bëhet prezantimi i kandidatëve për President.

Kryetari i Kuvendit, Meta, njoftoi deputetët në nisje të seancës së sotme, se “Konferenca, me konsensus, vendoi të fillojë procedurat parlamentare për zgjedhjen e Presidentit, ditën e mërkurrë, ora 18:00 në sallën plenare të Kuvendit. Procedurat do të jenë sipas Kushtetutës.”