#NeLiriDona/ Marshim sensibilizues në Shkodër dhe Fier: Përgjegjësi të edukojmë djemtë dhe vajzat

”NeLiriDona” është mesazhi që vajzat dhe gratë shkodrane kanë përdorur në marshimin sensibilizues për ngjarjen e rëndë që tronditur mbarë shqiptarët kudo që ndodhen.

”E vërteta është që duhet t’i mësojmë vajzat të kenë të drejtën e fjalës, të drejtën për të zgjedhur dhe për të qenë të barabarta”. ”Si nënë unë kam mbi shpatulla një përgjegjësi shumë të madhe, për të rritur një djalë, të cilin duhet ta mësoj t’i dojë vajzat”,-janë disa nga mesazhet që u thanë në këtë marshim.

Pas marshimit, janë ndezur qirinj tek monumenti i Nënë Terezës. Po ashtu një tjetër marshim zhvilluan edhe gratë në Fier, mes tyre edhe efektivë të policisë së shtetit për t’i dhënë fund dhunës ndaj grave.