Nis takimi mes krerëve të opozitës dhe Presidentit Meta

Ka nisur takimi mes Presidentit të Republikës, Ilir Meta, kreut të opozitës së bashkuar, Lulzim Basha, dhe kryetarëve te partive të opozitës jashtëparlamentare.

Takimi ka nisur fiks në orën 09:00, ku në Presidencë kanë mbërritur kreu i Partisë Demokratike, Lulzim Basha, me të gjithë aleatët. Ndërkohë, në takim mungon kryetarja e LSI, Monika Kryemadhi, e cila ka dërguar nënkryetarin e partisë, Petrit Vasili.

Tri ditë me parë, Presidenti Meta iu drejtua me një ftesë krerëve të partive opozitare jashtë parlamentit ku i ftonte në një takim urgjent lidhur me krizën politike në vend.

“Nisur nga situata dramatike, në të cilën ndodhet vendi dhe pasojat e saj të papranueshme, ju ftoj juve dhe të gjithë kryetarët e Partive të Opozitës së Bashkuar në një takim, në një kohë sa më të shpejt”,- thuhej në ftesën që Meta u dërgoi krerëve të partive të opozitës së bashkuar.