Noka apel qeverisë: Lexoni qartë mesazhin, ndryshe protesta përshkallëzohet

Deputeti i PD, Flamur Noka tha për mikrofonin e Ora News se qeveria duhet ta lexojë qartë mesazhin e protestës së sotme, përndryshe protestat do të vijojë me përshkallëzimin e saj.

Flamur Noka: Ne jemi këtu në vendin e përcaktuar, do të bllokohet qarkullimi për një orë si shenjë paralajmëruese për qeverinë dhe një shenjë e pare e përshkallëzimit të protestës nga çadra dhe më gjerë. Mesazhi është i qartë, kjo qeveri duhet të reflektojë, kjo mazhorancë duhet se s’bën të marrë këtë mesazh dhe të lexojë qartë, në të kundërt përshkallëzimi do të vijojë.

Gazetarja: Si mund të garantohemi që do jetë paqësore?

Flamur Noka:  Për këtë jemi në garantë. Është  PD që e ka organizuar, kemi zhvilluar mbi 2 muaj protestë mëse paqësore dhe qytetare ne bulevard, ndryshe nga qeveria e sotme që digjte goma, thyente xhama, dhe bënte dhunë ne kemi demonstruar në mënyrë paqësore dhe po sot do zhvillohet në mënyrë paqësore