Organet e sistemit të drejtësisë, Kushtetuesja rrëzon disa nene të ligjit

Gjykata Kushtetuese ka rrëzuar disa nene të ligjit “Për organet e qeverisjes së sistemit të drejtësisë” duke i konsideruar të papajtueshëm me ligjin themeltar të shtetit.

Ligji u ankimua nga PD, ndërsa palë e interesuar në proçes ishin edhe Unioni i Gjyqtarëve, Shoqata Kombëtare e Gjyqtarëve, Shoqata Kombëtare e Prokurorëve dhe Unioni i Prokurorëve.

PD kishte ankimuar rreth 10 nene të ligjit, por Gjykata Kushtetuese ka rrëzuar 5 prej tyre, duke pranuar pjesërisht kërkesën e demokratëve dhe duke rrëzuar pjesën jetër.

Vendimi nuk prek thelbin e ligjit, por detyron kthimin e tij në Kuvend për rishqyrtim.

Nenet që janë rrëzuar lidhen me Këshillin e Lartë Gjyqësor dhe atë të Prokurorisë duke vlerësuar se kompetencat e tyre cënojnë pavarësinë e sistemit të drejtësisë.