Nënkryetari i Partisë Demokratike Edi Paloka ka folur në lidhje me koalicionin e arritur mes Partisë Demokratike dhe 13 partive të tjera opozitare për zgjedhjet parlamentare të 25 prillit.
Në emisionin “Opinion”, Paloka ka thënë se qëllimi i koalicionit është maksimalizimi i votës së opozitës.
I ndalur tek ndarja e listës mes LSI dhe PD, ai tha se sipas studimeve të bëra prej tyre kjo ishte mënyra më e mirë që opozita të përfitojë më shumë vota.
Pjesë nga intervista
Çfarë marrëveshje ka me 14 partitë e tjera?
Qëllimi i koalicionit është që ne të mundemi të garantojmë fitoren e zgjedhjeve për të sjellë ndryshimin që presin sot mbi 80% e shqiptarëve. Janë marrëveshje që rregullojnë marrëdhënien me partitë , por me qëllim të vetëm për maksimalizimin e votës.
Kryetarët e partive do të jenë në listën e PD?
Po patjetër, kemi një marrëveshje të hershme me ata.
Pse nuk ndodhi lista e përbashkët me LSI?
Ne kemi bërë studimet tona dhe na rezulton se LSI në një krah dhe PD në një krah do të maksimalizojnë votën.
Bamir Topi u kthye në koalicion me PD?
Deri në momentin që isha në seli, jemi ende pa konkluduar por mendoj se jemi drejt konkludimit me atë parti.
/ Opinion.al