Pas akuzave të opozitës, reagon për herë të parë Fatmir Xhafaj

Ka reaguar ministri i Brendshëm Fatmir Xhafaj, i cili prej disa ditësh ka zgjedhur të heshtë dhe të mos i kundërpërgjigjet sulmeve të vazhdueshme të opozitës për të vëllain Agron Xhafaj.

Këtë të mërkurë, kryeministri Edi Rama ka dhënë verdiktin për “fatin” politik të Ministrit të tij të Brendshëm, duke thënë në mbledhjen e grupit parlamentar të PS-së, se qeveria dhe ai vetë nuk kanë ndërmend të “lëshojnë” për “gojën e ujkut” asnjë nga drejtuesit socialistë. Rama madje deklaroi se ai vetë ka kryer një “hetim” duke thënë se përgjimi audio që kompromentonte Agron Xhafajn, është një montazh i opozitës.

Por përveçse fjalëve inkurajuese dhe shfajësuese të kreut të qeverisë, Fatmir Xhafaj ka folur gjithashtu, kësaj here pa praninë e medias.

Fatmir Xhafaj i ka shprehur të gjithë deputetëve falënderimet e tij të posaçme për suportin që socialistët i kanë dhënë Ministrit të Brendshëm.

Ju shpreh mirënjohjen time për suportin që më keni dhënë- mëësohet t’i ketë thënë Xhafaj kolegëve socialistë. Kujtojmë po ashtu se po këtë të mërkurë, vëllai i Fatmir Xhafajt ka publikuar një letër të hapur, nëpërmjet të cilës ka bërë me dijse se ka vendosur t’i dorëzohet drejtësisë italiane, e cila pas një hetimi pritet me interes që të publikojë dhe një “zgjidhje” mbi faktin se përse vëllai i Ministrit të Brendshëm, nuk ka vuajtur asnjë ditë burg nga ato 7 vite dëbim që i janë dhënë vite më parë.