PD dorëzon kërkesën në Kuvend: Rama do të vijë të përgjigjet në Komisionin Hetimor

Partia Demokratike dorëzon në Kuvend kërkesën për gritjen e Komisionit Hetimor lidhur me çështjen McGonigal, për të cilën po zien politika shqiptare.

“Kemi firmosur 45 deputetë për të ngritur komisionin hetimor që të nxjerrim Ramën nga vrima e kamarës. Jo vetëm komisioni do e nxjerrë nga kamaria, por dhe protesta e 11 shkurtit. Rregullorja e përcakton qartë se kur ¼ e deputetëve kërkojnë ngritjen e komisionit, është detyrim që të ngrihet. Rama ka harxhuar taksat e shqiptarëve. S’do shpëtojë kësaj radhe. Ai do vijë në Komision Hetimor si ‘çeço’ dhe do përgjigjet. Ky komision do marrë detajet dhe do kërkojë të gjitha takimet e Ramës dhe skandalin e tij për të korruptuar institucionet e qeverisë amerikane, me qëllim goditjen e sistemit të pluralizimit në Shqipëri, dhe opozitës. Gjithçka do kthehet në bumerang”, tha deputeti i PD-së Luçiano Boçi në një prononcim për mediat pas dorëzimit të kërkesës.