”PD të bashkohet”, Tabaku: Jo e drejtë që Igli Cara në Durrës të kandidojë me sigël tjetër

Deputetja e Partisë Demokratike, Jorida Tabaku mbështet thirrjen që partia të bashkohet për zgjedhjet lokale të 14 Majit. Për të nuk është e drejtë që një kandidat si Igli Cara në Durrës, të cilin ajo e vlerësoi mjaft pozitivisht, të dalë në zgjedhje me një sigël tjetër.

“Që nga shtatori kam thënë që PD-ja duhet të jetë bashkë. 3 marsi ka qenë ditë rutinë, pasi nuk i jep zgjidhje një vendim Gjykate situatës. Është e pandershme për këto 32 vite. Kam përgjegjësi të madhe politike. Çfarë i duhet një votuesi se çfarë ndodh në politikën e Tiranës?

U duhet një kandidat. Ka gjëra më të rëndësishme se pushteti personal. A kemi në një ofertë para PS? Nuk mendoj se ka kandidatë më të mirë në Durrës se Igli Cara. Nuk është e drejtë që Igli Cara të dalë me një sigël tjetër. Është deputet i kësaj partisë dhe i takon të përfaqësohet nga PD. Kjo kërkon zgjedhje politike dhe vendim politik”, tha Tabaku.