Përgjigjja e Ramës ndaj Yuri Kim, Gazment Bardhi: E turpshme dhe e dëmshme

“Është përgjegjësi personale ndaj çdo kandidati nëse rezulton i dënuar apo me të shkuar kriminale”. Kështu iu përgjigj Rama pyetjes së gazetarëve këtë të hënë, në lidhje me deklaratat e ambasadores Yuri Kim, për mospërfshirjen në listat e kandidatëve të personave të inkriminuar.

Pas këtyre deklaratave ka ardhur reagimi nga kampi opozitar, më konkretisht nga numri 2 i Partisë Demokratike, Gazmend Bardhi. Përmes një postimi në “Facebook”, Bardhi i cilëson të turpshme dhe të dëmshme deklaratat e Ramës, duke shtuar se turpëroi e dëmtoi statusin ndërkombëtar të Shqipërisë

Postimi i plotë i Gazmend Bardhit:
Përgjigja e Ramës ndaj kërkesës së SHBA-ve që partia e tij të mos përfshijë kriminelë në lista- është e turpshme dhe e dëmshme. Edhe një herë Rama e turpëroi Shqipërinë dhe dëmtoi statusin e saj ndërkombëtar.

Pas 8 vitesh në të cilat Rama shkatërroi ekonominë dhe vendin tonë, tani ai po shkatërron edhe marrëdhëniet tona me Shtetet e Bashkuara të Amerikës dhe Bashkimin Evropian.

Për të sjellë ndryshimin dhe një të ardhme më të mirë në Shqipëri, ne duhet të largojmë Ramën – dhe kjo është pikërisht ajo që populli shqiptar do të bëjë në 25 Prill!