Petrit Vasili: Lojërat me hartë gjyqësore një farsë, që ripërzien pa zgjidhje çorbën e kolapsit të drejtësisë!

Nga Petrit Vasili

Lojërat me hartë gjyqësore një farsë, që ripërzien pa zgjidhje çorbën e kolapsit të drejtësisë!
Kolapsi total i drejtësisë është fakt.
3 mijë çështje për një gjyqtar do të thotë që realisht qytetarët të mos marrin kurrë drejtësi.
Do të thotë ulje e tmerrshme e cilësisë së gjykimit për shkak të një volumi absolutisht të papërballueshëm.
Do të thotë nëpërkëmbje e të drejtave dhe e barazisë përpara ligjit për dhjetëra mijëra qytetarë.
Do të thotë hapësirë pa fund për abuzuesit sepse drejtësia ndaj tyre nuk do të bëhet kurrë.
Do të thotë fushë e hapur për pandëshkueshmërinë në të gjitha nivelet e shoqërisë.
Do të thotë pasiguri e thellë juridike për bizneset dhe premisë fondamentale për thellim të krizës ekonomike.
Lojërat dhe propaganda me hartën e re gjyqësore është thjesht farsë.
Mungesat e gjyqtarëve në sistemin e drejtësise janë kritike.
Harta e re gjyqësore thjesht ripërzien çorbën e kolapsit dhe nuk i jep zgjidhje asaj, por vetëm sa u shton mundimet qytetarëve.
Drejtësia e kapur nga rilindja prodhoi kaos dhe uli përtokë autoritetin e drejtësisë.
Reforma e kapur e drejtësisë prodhoi zhgënjim dhe betonoi pandëshkueshmërinë.
Asnjë lloj propagandë nuk e zgjidh dot këtë badërdi organizative dhe ligjore me drejtësinë.
Duhet reformë e vërtetë në themel për ta çliruar nga kapja rilindase dhe për të ndalur një dëm të frikshëm të themeleve të shtetit me efekt për dhjetëra vitet që do të vijnë.