Petrit Vasili: Zgjedhjet do i fitoj LSI

Kryetari në detyrë i LSI-së, Petrit Vasili përmes një status në profilin e tij në ‘Facebook’, thotë se LSI-ja do t’i fitojë zgjedhjet me modesti.

Ai shkruan se qytetarët duke votuar për LSI-në do të ndahen nga mospërfillja, arroganca dhe veshi i shurdhët.

“Sfida është e thjeshtë: ne duhet ta fitojmë këtë garë me modesti, me këmbëngulje dhe thjeshtësi. Arroganca nuk është dhe nuk do të jetë dimensioni ynë në asnjë rast. Shqipëria duke votuar për LSI-në do të ndahet nga mospërfillja, arroganca dhe veshi i shurdhët.”, – shkruan Vasilit.

Mesazhi i Vasilit duket një sfidë ndaj Partisë Socialiste, ku nuk kanë munguar kritikat nga ana e LSI-së për selinë rozë për arrogancë si dhe dueli se kush do të dalë forcë e parë në zgjedhjet e 18 qershorit.

Vasili mori detyrën e kryetarit të LSI-së, pas largimit të Ilir Metës, i cili u zgjodh President i Shqipërisë.