Pezullimi i vettingut, SHBA dhe BE: T’i referohet sa më shpejt Venecias

Shtetet e Bashkuara dhe Bashkimi Europian kanë reaguar pas vendimit të Gjykatës Kushtetuese për të pezulluar ligjin për rivlerësimin e gjyqtarëve dhe prokurorëve.

Në një deklaratë për mediat, SHBA dhe BE nënvizojnë se respektojnë autoritetin e Gjykatës Kushtetuese për të shqyrtuar Ligjin e Vetingut dhe pezulluar zbatimin e tij.

“Gjykata Kushtetuese ka thënë se do t’ia referojë ligjin Komisionit të Venecias” thuhet më tej në deklaratë.

SHBA dhe BE nxisin që ky referim të ndodhë sa më shpejt që të jetë e mundur për të parandaluar vonesa.

“Shtetet e Bashkuara dhe Bashkimi Europian mbeten të përkushtuar ndaj zbatimit të plotë të reformës së gjyqësorit”.