Një reagim për vrasjen e 25-vjeçarit Klodian Rasha ka ardhur sot nga Policia e Shtetit, e vendosur përballë akuzave dhe kritikave të ashpra pas ngjarjes së rëndë të ndodhur një ditë më parë në kryeqytet.
Policia e Shtetit i shpreh ngushëllime familjarëve e miqve të të riut dhe thotë se po analizon në mënyrë intensive gjithë ngjarjet. Më tej Policia garanton qytetarët se mbetet e përkushtuar për rritjen e sigurisë publike.
REAGIM I POLICISË SË SHTETIT
Në emër të punonjësve të Policisë së Shtetit, të prekur nga ngjarja e rëndë që ndodhi një ditë më parë në Tiranë, e cila përfundoi me vrasjen tragjike të të riut Klodjan Rasha, i shprehim ngushëllimet më të sinqerta familjarëve, miqve, të afërmve dhe qytetarëve të lënduar nga ky akt.
Pas ngjarjes së ndodhur, krahas hetimeve të nisura nga organet e pavarura, për zbardhjen e plotë të rrethanave të ngjarjes, strukturat përgjegjëse në Policinë e Shtetit po analizojnë në mënyrë intensive të gjithë shkaqet, veprimet, mosveprimet apo faktorë të tjerë që çuan në incidentin fatal.
Policia e Shtetit garanton qytetarët se mbetet e përkushtuar dhe e angazhuar në detyrën e saj për rritjen e sigurisë publike, në mbrojtje të jetës dhe të drejtave të çdo qytetari.
Lexoni edhe…
- Si mund të vritet 25-vjeçari vetëm se theu orën policore?!
- Presidenti: Prokuroria të vërë para përgjegjësisë autorët e vrasjes së Klodian Rashës
- Sonila Meço: Pse është i rëndësishëm presioni publik në zbardhjen e vrasjes
- Dyshime për falsifikimin e provave: Arma që gjeti policia nuk ka lidhje me ngjarjen
- Berisha: Policia hodhi armën në rrugë, Klodiani u vra pas shpine
- Vrasja e Klodianit/Të rinjtë marshim-protestë para Kryeministrisë
- Vrasje nga policia, sot protestë masive para Ministrisë së Brendshme
- Vrasja e 25-vjeçarit/ SHÇBA: Polici kapërceu kufijtë e mbrojtjes
- Petrit Vasili: Lleshaj shporru, ç’pret më!
- Opinion/ Polici tërhoqi këmbëzën, Klodjanin e vrau qeveria
- Oerd Bylykbashi: Të vdesësh në ditën e rinisë
- Ylli Manjani: Është vrasje me dashje, jo kapërcim i mbrojtjes së nevojshme