Presidenti Begaj në dyvjetorin e pushtimit rus: Do të jemi gjithmonë krah Ukrainës

Presidenti Bajram Begaj, në 2-vjetorin e pushtim rus të Ukrainës, është shprehur se “vlerat tona të përbashkëta dhe liria jonë janë në rrezik”.

“Dy vjet nga agresioni i pa provokuar dhe i pajustifikuar ushtarak i Rusisë kundër Ukrainës.

Sot jemi dëshmitarë të qëndresës heroike të popullit ukrainas për liri, dinjitet dhe për mbrojtjen e vendit. Ukraina sot është ndërgjegjja jonë. Vlerat tona të përbashkëta dhe liria jonë janë në rrezik.

Do të jemi gjithmonë në krah të Ukrainës dhe popullit të saj, si dhe në mbrojtje të vlerave universale”, shkruan Begaj.