Presidenti i Shqipërisë, Ilir Meta është shprehur i shqetësuar që sipas një raporti të fundit, Shqipëria është e fundit në Europë sa i takon testimeve ndaj Covid-19. Teksa thotë se rastet janë rritur me mbi 11 herë që nga muaji prill, kreu i shtetit nënvizon se duhet të ndjekim OBSH që thotë sa më shumë testime.
Postimi i plotë
Është shumë shqetësuese që Shqipëria është e fundit në Europë për numrin e testimeve të kryera. Testimi është veprim themelor sepse i hap rrugën gjurmimit dhe trajtimit të bazuar mbi diagnozë. OBSH ka qenë shumë e qartë që në momentin kur pandemia COVID-19 u shfaq, duke kërkuar: TESTIM! TESTIM! TESTIM! Kjo kërkesë është sot më urgjente se kurrë pasi rastet e të infektuarve, krahasuar me muajin prillin, janë rritur me mbi 11 herë.
