Procesi zgjedhor në Korçë, agjentë të BKH-së po ndjekin nga afër procedurat

Komisioni Qendror i Zgjedhjeve bën me dije se pjesëmarrja e votuesve deri në orën 14:00 ka qenë në shifrat e 29.59%. Shifrat e KQZ për pjesëmarrjen në votime janë marrë nga përpunimi i të dhënave nga gjysma e qendrave të votimit

Procesi zgjedhor në qarkun e Korçës po monitorohet në vazhdimësi nga Task-Forca e ngritur pranë Prokurorisë së Korçës.

Nën drejtimin e prokurorit të SPAK, Vladimir Mara, prokurorët e Prokurorisë së Korçës, agjentë të BKH dhe Drejtorisë së Policisë së Qarkut, po ndjekin nga afër procesin zgjedhor.

Task-Forca është në pritje dhe gatishmëri të plotë, për të hetuar çdo denoncim që do të vijë në lidhje me procesin zgjedhor, duke garantuar ndjekje të kujdesshme dhe të paanshme të çdo denoncimi.