Prokurori Olsi Dado nuk lejon asnjeri të takohet me Erion Veliajn

Prokurori Olsi Dado e ka ndaluar kryetarin e Bashkisë së Tiranës, Erion Veliaj që të zhvillojë takime me të afërmit dhe miqtë në burg.

Një vendim i cili hedh hije të tjera dyshimi mbi faktin çështjen e Veliajt, duke përforcuar atë që thotë kryebashkiaku: se arrestimi i tij është bërë për arsye politike dhe se po trajtohet në mënyrë të pabarabartë.

Dado ka refuzuar të gjitha kërkesat për takime që kanë ardhur nga të afërmit dhe miqtë e kryebashkiakut. Kjo për ta takuar këtë të fundit në vendin ku ai qëndron i ndaluar, në një kohë që ndaj tij ende s’ka akuzë.

Është e paqartë se kush është arsyetimi i përdorur nga prokurori Dado, por në raste të ngjashme si ai për Ilir Metën apo Fredi Belerin, është vepruar ndryshe duke i lejuar menjëherë vizitorët.

Sot Veliaj tha se prokurori Ols Dado e ka mbyllur brenda për t’i mbyllur gojën, që të mos ballafaqohet me “faktet” dhe me gazetarët “kompetentë”, që furnizohen nga prokurorët.