Protesta e fermerëve, mbulohet me 30 ton qumësht autostrada Lushnje-Fier

Protesta e fermerëve nga Lushnja, Fieri, Berati, Vlora dhe Kavaja solli bllokim të autostradës, mbuluar nga qumështi.

Rreth 30 traktorë kanë parakaluar në mënyrë simbolike me mjetet bujqësore në hyrje të autostradës Lushnje-Fier.

Blegtorët protestojnë për uljen e çmimit të qumështit nga fabrikat grumbulluese. Ata pretendojnë se që prej datës 1 prill qumështi është ulur me 100 lekë të vjetra për litër. Ulja e çmimit është bërë nga fabrikat e qumështit.

Në shenjë protestë, fermërët kanë derdhur 30 ton qumësht të grumbulluar nga mosshitja e një jave.