Protesta e opozitës më 26 maj në orën 11:00, vendi enigmë

Protesta e opozitës do të jetë më 26 maj në Tiranë, dhe organizimi për të ka nisur. Kreu i PD-së, Lulzim Basha ka mbledhur në selinë blu krerët e degëve, dhe ende takimi është duke vazhduar.

Mësohet se për momentin është caktuar orari i protestës, e cila do të zhvillohet ditën e shtunë më 26 maj dhe do të nisë në orën 11:00.

Vendi i protestës nuk është përcaktuar ende sepse PD-ja është në pritje të zhvillimeve dhe ajo mendon se në rast se ministri Fatmir Xhafaj do të japë dorëheqjen, atëherë protesta do të zhvillohet përpara kryeministrisë, ndërsa në rast se Xhafa nuk dorëhiqet, atëherë protesta do të përqendrohet te Ministria e Brendshme.