Ish-deputeti i LSI-së, Përparim Spahiu, thotë se dorëheqja e Sandër Lleshajt si ministër i Brendshëm, është një përpjekje e dëshpëruar për të rivendosur nderin e humbur të një qeverie të dështuar. Për më tepër, ai nënvizon se kryeministri Edi Rama bën mirë që të dëgjojë zërin e shqiptarëve, të cilët kanë dalë në protesta kudo. ”Nuk do jenë qelitë e komisariateve të mbushura me qytetarë të ndershëm, ajo që do të sjellë qetësinë në kryeqytet. Referendumi i 25 prillit do të sjellë rotacionin e shumëpritur duke rivendosur një Shqipëri normale, që nuk vret e vjedh qytetarët e vet, por jep siguri për jetën, punësim e mirëqenie”,-shkruan Spahiu në facebook.
Postimi i plotë
Dorëheqja apo shkarkimi i ministrit “lotsjellës” Sandër Lleshaj është një përpjekje e dëshpëruar për të rivendosur nderin e humbur të një qeverie të dështuar.
Kryeministrin 3D është përgjegjësi kryesor për dhunën, arrogancën dhe tensionin social që mbizotëron në vend. KM bën mirë të dëgjojë zërin e shqiptarëve të cilët kanë dalë në protesta kudo. Nuk do të jetë “koka” e ministrit të rradhës që do të shpëtojë qeverinë e dështuar të Rilindjes.
Nuk do jenë qelitë e komisariateve të mbushura me qytetarë të ndershëm, ajo që do të sjellë qetësinë në kryeqytet. Referendumi i 25 prillit do të sjellë rotacionin e shumëpritur duke rivendosur një Shqipëri normale, që nuk vret e vjedh qytetarët e vet, por jep siguri për jetën, punësim e mirëqenie.