PS: Kandidati Kosova bën premtime që nuk i mban dot

Partia Socialiste deklaroi të mërkurën se premtimi i vetëm që ka bërë kandidati i Partisë Demokratike për kryetar të Bashkisë Tiranë, Halim Kosova, është ai për ndërtimin e një spitali bashkiak, premtim që nuk mund të realizohet pasi e pengon ligji.

“Halimi premton ngritjen e një spitali bashkiak, i vetmi premtim konkret i fushatës së tij. Por, ai harron se Bashkia e Tiranës ka mundësi të ndërtojë një spital bashkiak, aq sa ka mundësi të ndërtojë bazë ushtarake. Ndërtimi i spitalit është kompetencë e Ministrisë së Shëndetësisë dhe kjo tregon se Halim Kosova nuk merr vesh nga punët e bashkisë”, tha në një deklaratë për shtyp deputetja socialiste Blerina Gjylameti.