Pse po goditen sërish call center-at? Artan Hoxha: Po mblidhet një dorë e mirë për fushatë…

Artan Hoxha i shpjegon aksionet e poicisë ndaj call center-ave si një “rimarrje nën kontroll” të këtij biznesi, pasi duhen fituar para për fushatën zgjedhore.

I ftuar në emisionin “Të Paekspozuarit” në MCN TV, Hoxha tha se këto “biznese” janë ndër më fitimprurëset.

“Nga momenti që janë mbyllur lojërat e fatit në Shqipëri, dy ishin format ku drejtuesit e policisë mund të bënin para, lojrat e fatit të paligjshme, që askush nuk e hap dot pa paguar drejtuesin e policisë. E dyta, call center-at.

Kur erdhi Gledis Nano ka patur operacion në të gjithë territorin dhe u kapën me dhjetëra. Por, operacioni u ndalua.

Çfarë ka ndodhur ditët e fundit që policia u është rikthyer?

Kjo gjë u rikthye për këtë fakt, po ndodh një rimarrje nën kontroll e këtij “biznesi”. Po mblidhet një dorë e mirë për fushatë…”, tha Hoxha.