Qeveria e re e Malit të Zi, mediat: Nik Gjeloshaj pritet të jetë zv/kryeministër

Kryeministri i ri i Malit të Zi do të jetë Milojko Spajiç ndërsa zv/kryeministra do të jenë 4. Branko Krvavac, Momo Koprivica, Ervin Ibrahimoviç dhe Nik Gjeloshaj.

Aleanca Shqiptare mori Ministrinë e Integrimeve Evropiane me kusht që Genca Nimanbeg të merrte atë post, në të kundërtën, ai departament do t’i përkasë një tjetër liste shqiptare, Forumit Shqiptar, e cila do të mbulojë edhe Ministrinë e Administratës Publike, ku do të qëndrojë Marash Dukaj.

Qeveria e re pritet të ketë 22 ministri. Përveç kryeministrit, partia që fitoi në zgjedhje, ”Evropa Tani” pritet të merr edhe nëntë portofole të tjera që do t’i ndajë me partnerët e koalicionit nga lista zgjedhore.