Edi Rama ndodhet prej kësaj të hëne në Athinë, dhe këtë herë jo si kryeministër, por si artist që çel ekspozitën e tij të parë në Greqi. Teksa ka folur përpara një audience të madhe në pallatin Zapion Megaro të Athinës, Rama e ka quajtur veten si artisti më i mirë mes kryeministrave.
”Është hera e parë që vizitoj një shtet si kryeministër që nuk kam në çantën time vetëm shënimet e mia, por edhe artin tim. Kur vizatoj në zyrën time, nuk mendoj se çfarë po bëj me duart e mia, por lejoj sytë e mi të veprojë ndërsa koka është tërësisht e përqendruar në temat që po diskutoj me bashkëpunëtorët e mia ose vendime që duhet të marr”, tha kryeministri Rama.
Po ashtu Rama nuk kurseu as një batutë me bashkëshorten, Linda Rama. “Garën si artist mes nesh e ka fituar ajo, pasi ka krijuar Zahon, që është një kryevepër”.
