Rama: Çfarë do bëja nëse do isha sot në vend të Lulzim Bashës

Gjatë një interviste për emisionin ‘Dritare’ të Rudina Xhungës, kreu i qeverisë tha se dhe ai vite më parë kishte qenë pjesë e një protestë, greve urie, por theksoi se kauza e tij ishte e kundërt me atë të Bashës sot. Prerazi Rama tha se qëllimi i tij kohë më parë ishte fisnik dhe real.

“Nëse do isha në vend të tij, nuk do isha në çadër. Në kohën kur unë isha në çadër, qëllimi ishte fisnik dhe realist. Ne hymë në një grevë urie që mos të përsëriteshin më ato që u bënë. Kërkuam transparencë mbi kutitë e zgjedhjeve dhe të shtrëngonim administratën zgjedhore që mos t’i trajtonin njerëzit si mall pa Zot.”, tha Rama.