Rama debaton me komentuesit, qytetari: Mos do vendosni ndonjë taksë për fjetjen me gruan, se ajo ju ka mbetur

Por ka edhe nga ata komentues që nuk ngurrojnë aspak të shprehin shqetësimet e tyre për situatën në vend.

Mëngjesin e sotëm, pas një postimi të kryeministrit Rama për fitoren e kandidatit të majtë në Kolonjë, nuk kanë munguar as reagimet e qytetarëve.

“Një hajdut më shumë”, shkruan një komentuese, të cilës Rama i përgjigjet “Gjynah për ty Xhulja, gjuhë kazani që në mëngjes”.

Sakaq një tjetër komentues reagon, duke i shkruar se “Ncncnc ske faj ti mer burr por faj kan ato delet që votojn për ty, ti je ai njeri qv po i con Shqiptarët drejt shkatërrimit?? ke menduar naj taks tjeter per të rritur??”.

Po në përgjigjen e tij kryeministri thotë se populli nuk është dele.

“Niku, kujdes mendjen mik i dashur se eshte gje e madhe mendja Niku? Populli s’ka qene s’eshte e s’mund te jete kurre dele, mjere kush e mendon kete…”

Duke reaguar sërish komentuesi thotë se taksat janë rritur, dhe sipas tij janë shtuar të reja, duke u shprehur: “Z.Edi Rama jan dhe me keq madje,rritet energjine,rritet siguracionin e makinave (kur rruget ku ecim jan si mos me keq) vendin e mbushet plot me bar rritet aksizen e cigareve tani mendoni te rrisni dhe gazin pyes veten mos do vendosni naj taks per fjetjen me gruan se ajo ju ka mbetur”.

/BW