Kryeministri Edi Rama ka zbatuar një tjetër propozim të kreut të PD-së, Lulzim Basha për mbylljen e fasonerive dhe qendrat call center. Kreu i qeverisë u shpreh se u ndërmorrën disa inspektime në qendrat e fasonerive dhe call center-at dhe u vendos mbyllja e tyre por ndër të tjera edhe do të kenë çdo kosto të mbylljes .
“Dëshiroj të theksoj se kjo masë, për t’i dalë përballë në këtë hap tjetër kësaj sfide dhe për të ngadalësuar shtrirjen e armikut do të pasohet nga të tjera. Sot kemi ndërmarrë inspektime në kompani fason e call center që nesër do jenë të mbyllura si të tjerat. Janë të detyruara të respektojnë distancat teknike, nëse kur të rinisë aktivitetet do të konstatohet se nuk kanë kryer detyrimet për të mbrojtur veten, jo vetëm do mbyllen po do marrin përsipër çdo kosto të kësaj mbylljeje”.
Fillimisht qeveria caktoi rregulla për fasoneritë, call center- at dhe bizneset për të ruajtur një distancë më shumë se një metër të punonjësve si dhe për të respektuar rregullat e higjienës por pas inspektimeve është vendosur të mbyllen deri më 3 prill.
