Rama dhe Balluku inspektojnë punimet në aeroportin e Vlorës: Punë voluminoze, po ecën me ritme të shpejta

Kryeministri Edi Rama dhe ministrja e Infrastrukturës, Belinda Balluku, kanë inspektuar punimet në aeroportin e ri ndërkombëtar të Vlorës.

“Në kantierin e aeroportit të ri ndërkombëtar të Vlorës, ku po punohet në disa fronte njëkohësisht, pista, e cila ka marrë formë, ngritja e terminalit prej 20 mijë metra katrorë, kullës së operimit, godinës së zjarrfikësve, hangarëve, ndërtimi i rrugëve lidhëse dhe krejt infrastruktura e fushës aeroportuale.
Një punë voluminoze, e cila po ecën me ritme të larta duke synuar përfundimin në vitin e ardhshëm, për t’i hapur rrugë testimeve dhe çertifikimit ndërkombëtar“, shprehet Kryeministri Edi Rama.