Rama: Dibra ka nevojë për projekte, jo pehlivanë e hu gardhi të PDsë
Aleanca për Shqipërinë Evropiane ka vijuar turin e saj të prezantimit të kandidatëve, teksa ndalesa e radhës ditën e sotme ka qenë Peshkopia. Në fjalën e tij para banorëve, Kryeministri Edi Rama, duke prezantuar kandidatin Shukri Xhelili, tha se zona e Dibrës ka nevojë “të kthehet në drejtimin e duhur” dhe jo të drejtohet nga “hu gardhi”. Duke akuzuar opozitën, Rama tha se PD nuk e ka mendjen tek puna, por vetëm tek baltosja dhe bllokimi. Rama është shprehur se kandidati i majtë, Xhelili do jetë në shërbimin e qytetarëve për të zgjidhur problemet e tyre ndaj dhe duhet votuar, ndërsa kandidatin e djathtë ai e ka quajtur “pelivan”, i cili nuk ka bërë asgjë për qytetin dhe qytetarët e tij Tweet 1 Postuar në: 13:15 18/05/2015 Rama: Dibra ka nevojë për projekte, jo pehlivanë e hu gardhi të PDsë Tweet 1 “PDja nuk e ka mëndjen tek problemet e mëdha si plerat, mungesa e ujit të pijshëm, gjendja e rënduar e transportit publik në shqipëri. Ata meren vetëm me politikën e madhe. Thonë do ulim taksat e do bëjmë taksën e sheshtë. Këto nuk kanë lidhje me bashkitë. Duan të vendosin në krye të bashkisë një hu gardhi i cili meret vetëm me ankesat që na ka bllokuar qeveria për këtë apo për atë. Bashkia e Dibrës mund të kthehet në një motor zhvillimi ekonomik, bujqësor e blektoral. Ata kanë premtuar rrugën e Arbrit por nuk e bënë. U desh 23 qershori që të merte drejtim rruga e arbrit. Brënda pak muajve do të hapet kantieri i madh i punimeve për rrugën e Arbrit. Projekti i tyre për rrugën e arbrit ishte një paçavure e madhe. Një projekt i till kombëtarë është themelorë sepse lidh shqiptarët të gjithë bashkë në pjesën lindore të kufirit të Shqipërisë.” tha Rama.
