Për kryeministrin Edi Rama, fitorja e PS-së në Shkodër, është një gjë e veçantë dhe që meriton një vëmendje të veçantë nga ana e qeverisë. Rama tha se Shkodra ka një fuqi të madhe, por që ka qenë e fjetur.
”Kjo është një fitore jashtëzakonisht e veçantë dhe meriton një vëmendje të veçantë. Këtu është çështje e Shqipërisë dhe e ekonomisë së saj. Shkodra është një fuqi e madhe e fjetur në aspekt të potencialit të madh që ka për ekonominë dhe të mirën e Shqipërisë.
Ne duhet ta zgjojmë këtë potencial në funksion të së mirës së Shqipërisë. Është një zonë e bekuar e Shqipërisë. 4 vite janë të mjaftueshme për të bërë një ndryshim që i prek të gjithë”, tha Rama.
