Rama flet për dorëheqjet e gjyqtarëve: Drejtësia e vjetër bie

Kryeministri Edi Rama ka përshëndetur largimin vullnetar të gjykatësve dhe prokurorëve nga postet e tyre. Me anë të një postimi në rrjetet sociale, Rama shkruan se drejtësia e re nuk do të mund të kapet si ajo e vetra, që sipas Lryeministrit po bie.

“Përshëndes largimet vullnetare të gjykatësve/prokurorëve që s’duan të kalojnë vetingun! Drejtësia e Re nuk kapet dot si e Vjetra që po bie!“, shkruan Rama.

Ditën e sotme, Mirela Fana, gjyqtare pranë Gjykatës së Lartë i paraqiti dorëheqjen kryetarit të kësaj gjykate, Xhevahir Zaganjori. Fana e arsyetoi dorëheqjen e saj nga posti që mbante për motive personale.

Ndërsa pak ditë më parë prokurori Sulejman Tola nuk ka dorëzuar në ILDKP deklaratën e pasurisë dhe në fund të muajit shkurt pret të dalë në pension.