Kryeministri Edi Rama u është përgjigjur akuzave të Sali Berishës se familjarët e tij kanë përfituar fonde publike.
Rama tha se kurrë në asnjë rast, asnjë anëtar i familjes së tij nuk ka përfituar nga fondet publike.
“Asnjë anëtar i familjes time nuk ka përfituar asnjë qindarkë nga fondet publike. Dua që ta mësojnë të gjithë edhe ata të cilët mbase mund të impresionohen me akuza absurde për miliona euro për fluturime që unë dhe të gjitha rastet që anëtarë të familjes sime udhëtojnë me mua, udhëtoj në dy mënyra; në rastet e vizitave zyrtare si kryeministër me avionin përkatës, me të gjitha rastet e tjera me avionët e linjave si të gjithë shqiptarët”, tha Rama në një konferencë për gazetarët.
