Rama në Laç: Në rrënojat ka lindur shpresa për 500 familje, tani kanë një lagje të bukur europiane

Kryeministri Edi Rama ndodhet në Laç, ku si dhuratë për festat e fundvitit, 500 familjeve u ka dorëzuar çelësat e banesave të reja.

Për kreun e qeverisë, nga rrënojat dhe terri ka lindur shpresa pëot dritë për një jetë të re. Lagjen e re në Laç, Rama e ka cilësuar si një lagjje të bukur europiane.

”Aty ku nga rrënojat dhe terri i dëshpërimit prej pabesisë së tërmetit, ka lindur shpresa plot dritë e një jete të re për 500 familje, të cilat kthehen në banesa të reja për ta gëzuar Vitin e Ri familjarisht, në një strehë të bukur e të sigurtë, brenda një lagjeje të bukur europiane”,-thotë Rama.