Rama: Në Portin e Vlorës do ankorohen anije të mëdha tregtare dhe turistike

Kryeministri Edi Rama ka deklaruar se po punohet për rritjen e kapacitetit të Portit të Vlorës.

Nga qyteti bregdetar, ku Rama zhvilloi një dëgjesë publike për projektin e rrugës së Lumit të Vlorës, kreu i qeverisë, njëkohësisht edhe deputet në këtë qytet dhe se për herë të parë në Portin e Vlorës do të fillojë ankorimi i anijeve të mëdha tregtare dhe turistike.

Po ashtu Rama tha se në kuadër të projektet për rritjen e kapaciteteve të portit, do të krijohet edhe një zonë të posaçme ku mund të ankorohen edhe jahtet.

Rama: Po ecën puna shumë mirë për rehabilitimin e portit të Vlorës, një investim goxha i rëndësishëm që ë gjetëm dhe atë plotësisht të gencur në 1001 historira të çuditshme. Por ajo që ka rëndësi është që për herë të parë do të bëhet e mundur që në portin e Vlorës të fillojë ankorimi i kryqëzorëve turistikë dhe i anijeve të mëdha tregtare. Pra rritja e kapacitetit është shumë e konsiderueshme dhe në kohë ne po diskutojmë me një ekip inxinierësh italianë që kanë marrë pjesë në projektimin e kësaj faze, mundësinë e një faze të tretë për të rritur kapacitetin dhe për ta kthyer përfundimisht portin e Vlorës, në një port me potencial të madh për ankorimin e anijeve të mëdha turistike dhe tregtare dhe njëkohësisht me një zonë të posaçme ku mund të ankorohen edhe jahtet.