Rama: Numri i viktimave shkon në 50

Edhe mëngjesin e sotëm, qeveria bëri një mbledhje ashtu siç ka bërë këto ditë pas tërmetit të fuqishëm që goditi vendin tonë me datë 26 nëntor.

Në fjalën e tij kryeministri Edi Rama tha se operacionet e kërkim-shpëtimit kanë përfunduar dhe numri i viktimave ka shkuar në 50.

“Operacionet e kërkim-shpëtimit kanë përfunduar, ndërsa fatkeqësisht duhet të them që numri i viktimave ka shkuar në 50”- tha Rama.

Rama falendëroi edhe trupat e kërkim-shpëtimit që kanë ardhur nga jashtë.

“Duhet të falënderoj trupat e kërkim-shpëtimit që kanë ardhur nga jashtë. Pa ato ne nuk do të kishim mundur të shpëtonim asnjë banor nga gërmadhat. Por kjo nuk zbeh punën e trupave tanë të kërkim-shpëtimit, por trupat kanë nevojë për mjete të specializuara ”- vijoi kryeministri.