Rama nxjerr videon nga punimet për aeroportin e Kukësit: Fluturim falas për ata që më kanë sharë nga Londra

Kryeministri Edi Rama e ka nisur ditën e sotme duke shpërndarë një video nga punimet që po kryhen për ndërtimin e aeroportit të Kukësit.

Kreu i qeverisë ka zgjedhur që t’u përgjigjet të gjithë atyre zërave skeptikë që e kanë përqeshur për këtë aeroport.

“MIREMËNGJES, me këtë video të dedikuar për të gjithë ata që më kanë përqeshur për Aeroportin e Kukësit, ku po punohet intensivisht dhe vitin e ardhshëm do të ulim Migjenin, me një fluturim falas për të gjithë ata që më kanë sharë nga Londra?”, shkruan Rama, ndërsa ka zgjedhur si kolonë zanore për videon, vallen e njohur të Kukësit.