Rama: PD do hajë përsheshin që ka bërë vetë, po bën vetëvrasje live

Politikë E Premte, 21 Maj 2021 08:28

Kryeministri Edi Rama i ftuar në emisionin “Dritare” në Vizion Plus, akuzoi opozitën e sotme se i ka sjellë vendit vetëm të këqija.

“Nuk ka gjë që ata mos ta kenë prishur. Ata ku kanë gjetur shesh, kanë bërë përshesh. Por do të hajnë përsheshin që kanë bërë vetë, po bëjnë vetëvrasje live,” tha kryeministri i vendit.

Ndër të tjera, kreu i qeverisë tha se ishte plotësisht i bindur që PD do të hyjë në zgjedhje, pavarësisht mohimeve të vazhdueshme dhe sugjeroi se kësaj partie i duhet një Rilindje, që sipas tij edhe pse do të jetë e dhimbshme, nuk duhet të jetë më shëmbëlltyrë e një personi të vetëm.